Göbeklitepe, İraq və Meksikadakı qədim divar təsvirləri qadınların minlərlə il əvvəl qısa, yarımdairəvi tutacaqları olan kvadrat formalı çantalardan istifadə etdiyini ortaya çıxarıb.
Turkustan.az xəbər verir ki, araşdırmalar göstərir ki, qadınlar çantalardan makiyaj, ətir və saç fırçalarının yaranmasından çox əvvəl istifadə edirdilər. Qədim divar təsvirlərində 12 min il əvvəl çantadan istifadə edən qadınların təsvirləri tapılıb. Daily Mail qəzeti buna sübut kimi Türkiyənin Şanlıurfa şəhərindəki Göbeklitəpəni misal çəkib. “Tarixin sıfır nöqtəsi” adlandırılan, təxminən eramızdan əvvəl 9600 - 9500-cü illərə aid olan neolit dövrünə aid Göbeklitəpədə daş sütunlarda kvadrat formalı qısa, yarımdairəvi qulplu çantaları xatırladan əşyaların təsvir edildiyi bildirilib.
Dünyanın ən qədim məbədi olan Göbeklitepedəki çanta təsvirlərinin inancla əlaqəli olduğu düşünülür. Kvadrat torbanın Yer kürəsini simvolizə etdiyi düşünülür. Çünki qədim mətnlərdə keçmiş sivilizasiyaların Yerin düz olduğuna inandıqları bildirilir. Digər tərəfdən çanta təsvirləri İraq, Misir və Cənubi Amerikada bəzi qədim tikililərdə də görülə bilər. Bu, uzaq sivilizasiyaların eyni obyekti necə təsəvvür etdiyi sualını doğurur. Amerikalı tarixçi David Mianonun fikrincə, İraqda olanlar assuriyalıların daşıdığı vedrələrdir və çanta və vedrə hazırlamaq çətin deyil.
Eltac Zülfüqaroğlu/Turkustan.az
