ABŞ-da böyrək transplantasiyası zamanı yuxudan oyanan və bütün əməliyyatı izləyən xəstənin təcrübələri bütün dünyada səs-küy yaradıb.
Turkustan.az xəbər verir ki, son illərdə orqan transplantasiyasının artması saysız-hesabsız xəstələri ölümdən xilas edib. ABŞ mətbuatında dərc olunan məlumatlara görə , ən çox edilən transplantasiyalardan biri də qaraciyər və böyrək transplantasiyasıdır . Keçən ay, geni dəyişdirilmiş donuz böyrəyi transplantasiyası alan ilk xəstənin əməliyyatdan iki ay sonra öldüyü açıqlandı. 62 yaşlı Riçard Slayman, mart ayında transplantasiyadan əvvəl böyrək xəstəliyinin son mərhələsində idi. Transplantasiya əməliyyatının aparıldığı Massaçusets Ümumi Xəstəxanası (MGH) Slaymanın ölümünün donuz böyrəyinin nəqli ilə bağlı olduğuna dair heç bir işarənin olmadığını açıqlayıb.
Genetik olaraq dəyişdirilmiş donuzlardan orqan transplantasiyası keçmişdə uğursuz oldu, lakin Slaymana transplantasiya tarixi dönüş nöqtəsi kimi qəbul edildi. Böyrək xəstəliyindən əlavə, Slayman 2-ci tip şəkərli diabet və yüksək təzyiqdən əziyyət çəkirdi. 2018-ci ildə insan böyrəyi köçürülsə də, bu, beş ildən sonra fəaliyyətini dayandırıb.
New York Post qəzetində dərc olunan xəbərdə Çikaqoda 28 yaşlı Con Nicholasın əməliyyat zamanı texniki səhvə görə yuxudan ayıldığı bildirilib. Yuxudan oyananda hər şeyi görən, hətta ona veriləcək yeni böyrəyini görən xəstə tarixdə bir ilk idi. Həkimlərin verdiyi açıqlamada gənc oğlana anesteziya əvəzinə keysəriyyə ilə doğuş üçün istifadə edilən onurğa anesteziya iynəsindən istifadə edildiyini bildiriblər.
Mövzu ilə bağlı danışan Dr. Visente Qarsiya Tomas xatırladıb ki, əməliyyat tibb işçiləri üçün bir çox keysəriyyə əməliyyatlarından daha asan olub. Nikolay yuxudan oyananda keçirdiyi hissləri bu sözlərlə ifadə edib:
"Yeni böyrəyimin necə göründüyünü görmək xoş idi. Mənə sakitləşmək üçün bir neçə sedativ dərman verdilər, amma hələ də onların nə etdiklərini bilirdim".
Məlum olub ki, böyrəyini Nikolaya bağışlayan şəxs onun dostu olub.
Eltac Zülfüqaroğlu/Turkustan.az
