əşəriyyət tarixi böyük kəşflərlə, ixtiralarla formalaşıb.
Bu gün də süni intellektə əsaslanan layihələrlə formalaşmağa davam edir.
İxtiralar həyatımızı kökündən dəyişdirib və cəmiyyətlərin tərəqqisinə səbəb olub.
Turkustan.az keçmişdən etibarən bu qədər irəliləməyə imkan verən və tarixi tamamilə dəyişdirən 10 ixtiranı təqdim edir:
1. Yazı (eramızdan əvvəl 3200-cü il): Yazı olmasaydı, tarixi qeydlər, qanunlar və ədəbi əsərlər itiriləcəkdi. Məlumatlar yalnız şifahi şəkildə ötürüləcək və bu da bir çox məlumatların unudulmasına səbəb olacaqdı.
2. Təkər ( eramızdan əvvəl 3500-cü il ): Təkər ağır yüklərin daşınmasını asanlaşdıraraq nəqliyyat və ticarətdə inqilab edib. Təkərlər olmasaydı, müasir nəqliyyat vasitələri inkişaf edə bilməzdi. Ticarət, kənd təsərrüfatı və sənaye əsasən məhdud olaraq qalacaqdı.
3. Elektrik (18-19-cu əsrlər) : Elektrik müasir texnologiyanın əsasını təşkil edir. O, işıqlandırmadan tutmuş ünsiyyətə qədər həyatın hər sahəsində inqilab edib.
Elektrik enerjisi olmasaydı, indiki texnologiyalar mövcud olmazdı və biz qaranlıq həyatda yaşamalı olardıq.
4. Çap maşını (XV əsr): Mətbuat biliyin sürətlə yayılmasına imkan verib, eyni zamanda intibah və islahat hərəkatlarına səbəb olub.
Çap maşını olmasaydı, kitablar və biliklər çox az adama çatacaq, təhsil və mədəni inkişaf isə məhdudlaşacaqdı.
5. Buxar maşını (18-ci əsr):
Buxar maşını olmasaydı, sənaye inqilabı baş verməz, dünya əhalisi bu qədər artmazdı və iqtisadi inkişaf çox yavaş olardı.
6. Telefon (19-cu əsr): Telefon olmasaydı, ünsiyyət sürəti yavaş qalacaqdı və qloballaşma bu qədər tez baş verməyəcəkdi.
7. Antibiotik (1928-ci il): O, yoluxucu xəstəliklərin müalicəsində inqilab etdi, həm dəinsan ömrünü əhəmiyyətli dərəcədə uzatdı. Əgər tibb inkişaf etməsəydi və antibiotiklər olmasaydı, kiçik infeksiyalar belə ölümcül ola bilərdi.
8. İnternet (20-ci əsr): İnternet olmasaydı, məlumat əldə etmək və paylaşmaq daha çətin olardı. İnternet sərhədləri aradan qaldırdı və müasir ictimai-sosial həyatı, hətta iqtisadiyyatı formalaşdırdı.
9. Təyyarə (20-ci əsr): O, dünya üzrə sürətli səyahəti təmin etdi və ticarəti qloballaşdırdı. Təyyarə olmasaydı, nəqliyyat çox yavaş, qlobal inteqrasiya isə məhdud olardı.
10. Kompüter (20-ci əsr): O, elm və biznesdə inqilab edərək bəşər tarixində ən böyük texnoloji sıçrayışlardan birini təmin etdi. Kompüterlər olmasaydı, müasir elmi tədqiqatlar, istehsalat və xidmət sektoru ciddi mənada geridə qalacaqdı. /cebheinfo.az/
