Aprelin 2-də işğaldan azad edilmiş Ağdam rayonunun Çəmənli kəndi ərazisində mina partlayışı baş verib.
Turkustan.az xəbər verir ki, bu barədə ANAMA-nın mətbuat xidməti məlumat yayıb.
1968-ci il təvəllüdlü Ağdam rayon sakini Abbasov Nurəddin Feyzi oğlu heyvan otararkən keçmiş təmas xəttində, minalardan təmizlənməmiş əraziyə daxil olaraq piyada əleyhinə minanın partlayışı nəticəsində ayağından xəsarət alıb.
Xəsarət alan şəxs xəstəxanaya təxliyyə edilib.
Faktla bağlı Ağdam rayon prokurorluğunda araşdırma aparılır.
