Avropa İttifaqı (Aİ) ölkələrində 2023-cü ilə nisbətən daha sürətlə yayılan quş qripi narahatlıq yaratmağa davam edir. Bu yüksək yoluxucu virus son illərdə dünyada yüz milyonlarla ev quşunun ölümünə səbəb olsa da, mütəxəssislər virusun insanlara keçmə riskinə də diqqət yetirirlər. Avropada böyük itkilərə səbəb olan quş qripi hallarının əksəriyyəti Aİ-nin şərqində cəmləşib.
Turkustan.az xəbər verir ki, Aİ-də köçəri quşların hərəkəti ilə əlaqədar artan epidemiya avqustun 1-dən etibarən 62 fermada aşkar edilib. 2022-ci ilin eyni dövrü üçün bu rəqəm 112 hadisə olduğu halda, keçən ilin eyni dövründə cəmi 7 epidemiya hadisəsi bildirilmişdi. Fransız Anvol qrupunun meneceri Yann Nedelec, "Bu ilki vəziyyət keçən ildən daha narahatdır" dedi.
Macarıstan, xüsusilə, bu il Aİ-də ən çox yoluxma halı olan ölkə kimi seçilir. Polşada ən böyük istehsal rayonlarından biri olan Sroda Wielkopolskadakı tək fermada 1,4 milyon quş, cəmi 1,8 milyon quş məhv edilib.
Quş qripi ilk növbədə köçəri quşların nəcisi və yoluxmuş materialın daşınması yolu ilə yayılır. Epidemiya adətən miqrasiya mövsümündə payızda baş verir və yaz aylarında azalır. ABŞ-da vəziyyət daha narahatdır; İl ərzində 14 ştatda 400-ə yaxın süd sürülərində quş qripinə yoluxma halları müşahidə edilərkən, virus 36 nəfərdə aşkarlanıb. Onlardan dördü yoluxmuş ticarət yumurta fermasında işləyən insanlar idi.
Avropadakı ekspertlər xəbərdarlıq edir ki, virus insanlara və ya məməlilərə keçərsə, daha böyük epidemiyaya çevrilə bilər. Quş qripi virusunun insanlar arasında asanlıqla ötürülməsi riski potensial dünya miqyasında pandemiya riskini artırır.
Avropa ölkələri quş qripinə qarşı tədbirləri artırarkən, xüsusilə şərq bölgələrində yayılmağa davam edən epidemiyanı yaxından izləməyə və nəzarət etməyə davam edir.
Eltac Zülfüqaroğlu/Turkustan.az
