Alimlər depressiyanın müalicəsi üçün yeni cihaz hazırlayıblar. Evdə istifadə üçün uyğun olan bu cihaz dərman və terapiyaya cavab verməyən hallarda effektiv alternativ hesab olunur. Kliniki tədqiqatlarda cihazın depressiya əlamətlərini əhəmiyyətli dərəcədə azaltdığı müəyyən edilmişdir.
Turkustan.az xəbər verir ki, Alimlər müəyyən ediblər ki, evdə istifadə üçün nəzərdə tutulan yeni qurğu dərman və terapiyaya cavab verməyən depressiya hallarında təsirli olur.
Depressiyaya qarşı hazırlanmış və "üzgüçülük papağı"na bənzəyən bu cihaz ağır depressiya diaqnozu qoyulan 174 nəfər üzərində sınaqdan keçirilib. Cihaz beynin qərar qəbul etmə ilə əlaqəli sahəsinə zəif elektrik cərəyanları göndərir, adətən depressiya zamanı daha az aktivdir. Cihazdan 10 həftə ərzində müntəzəm istifadə edən iştirakçılarda depressiya əlamətlərində "gözə çarpan azalma" qeyd olunub.
Uzaqdan aparılan bu klinik tədqiqatda iştirakçılar iki qrupa bölündü. Müalicə qrupundakı insanlar cihazdan ilk üç həftədə həftədə 5 dəfə, sonrakı 7 həftədə isə həftədə 3 dəfə, 30 dəqiqəlik seanslarda istifadə ediblər. Nəzarət qrupundakı xəstələr seansların əvvəlində qısa bir cərəyan impulsu verərək eyni stimullaşdırma hissini təqlid edən saxta cihazdan istifadə etdilər.
Araşdırmanın nəticələrinə görə, cihazdan müntəzəm istifadə edən iştirakçıların depressiya əlamətlərinin nəzarət qrupu ilə müqayisədə təxminən 58% azaldığı müşahidə edilib.
Alimlər bildirirlər ki, bu cihaz depressiyanın müalicəsində standart üsullara və psixoterapiyaya cavab verməyən insanların üçdə birindən çoxu üçün yenilikçi bir həll təklif edə bilər. Araşdırmanın nəticələri nüfuzlu “Nature Medicine” jurnalında dərc olunub.
Eltac Zülfüqaroğlu/Turkustan.az
