Yeni bir elmi araşdırma, ağır Covid-19 infeksiyasının beyinə ciddi ziyan vura biləcəyini və bu zədələrin beyni 20 ilə qədər qocalda biləcəyini ortaya qoydu. Bu tapıntı bir daha göstərir ki, koronavirus təkcə tənəffüs sisteminə deyil, həm də mərkəzi sinir sisteminə dərin təsir göstərə bilər.
Turkustan.az xəbər verir ki, Berlin Charité və Böyük Britaniyanın tədqiqatçıları tərəfindən aparılan bu əhatəli araşdırma virusun həm birbaşa, həm də dolayı yolla beyinə zərər verə biləcəyini göstərir.
Tədqiqatçılar, Covid-19 xəstələrində beyin zədələnməsi üçün xüsusi markerlərin artdığını və beyin boz maddəsində itkilərin olduğunu aşkar etdilər. Bu vəziyyət xəstələrdə yaddaş problemləri, diqqət çatışmazlığı və idrak funksiyalarının pozulması kimi simptomlara səbəb ola bilər.
Covid-19-un beyinə təsiri xəstəliyin daha çox tanınan simptomları: qızdırma, öskürək və nəfəs darlığı kimi ciddi sağlamlıq problemi kimi qəbul edilməlidir. Bu vəziyyət xəstəliyin uzunmüddətli təsirləri ilə bağlı yeni bir ölçü açır və müalicə proseslərinin yenidən qiymətləndirilməsini tələb edir.
Bu araşdırma böyük əhəmiyyət kəsb edir, çünki Covid-19-un təkcə fiziki sağlamlığa deyil, həm də psixi sağlamlığa ciddi təsir göstərə biləcəyini göstərir. Tədqiqatın nəticələri xəstəliyin beyin sağlamlığına təsirlərini daha yaxşı başa düşməyimizə və buna uyğun olaraq yeni müalicə üsullarının işlənib hazırlanmasına kömək edəcək.
Eltac Zülfüqaroğlu/Turkustan.az
