Sağlam qidalanma ilə xərçəng riskini 30 faiz azalda bilərsiniz.
Turkustan.az xəbər verir ki, elm xərçəngin yaranmasında təsirli olan spirt və siqaretlə yanaşı, yanlış qidalanma vərdişlərinin də böyük rol oynadığını bildirir.
Bəs hansı qidalar və içəcəklər xərçəngdən qoruyur?
Həm qara çay, həm də yaşıl çay güclü antioksidantlar olan polifenolları ehtiva edir. Qara çay yaşıl çayın fermentləşdirilmiş formasıdır. Qara çaydan daha çox polifenol ehtiva etdiyi üçün yaşıl çayın daha faydalı olduğu vurğulanır.
Xərçəng riskini azaltmaq üçün gündə 1-2 stəkan yaşıl çay və ya 3-4 stəkan qara çay içə bilərsiniz. Lakin isti içkilər yemək borusu xərçəngi riskini artırdığı üçün çayın çox isti olmamasına diqqət yetirin və kiçik qurtumlarla içməyə diqqət edin.
Brokoli, kələm, gül kələmi, çuğundur, turp cəfəri kimi qidalar immunitet sistemini gücləndirir və infeksiyaların qarşısını alır. Onların tərkibində olan sulforafan adlı fitokimyəvi maddə qoruyucu təsir yaradır.
Bu xüsusiyyətlərə görə onlar xərçəngi təşviq edən hüceyrələrin məhvində iştirak edirlər. Sağlamlığımıza olan faydalarından ən təsirli şəkildə faydalanmaq üçün kükürdlü tərəvəzləri çiy və ya az qaynadılmış halda istehlak etməyə diqqət edin.
Çiyələk, böyürtkən, moruq, qaragilə, tut, üzüm, zoğal, albalı və üzüm kimi meyvələrdə bədən hüceyrələrinin zədələnməsindən qoruyan birləşmələr var. Bu yolla onlar da xərçəng hüceyrələrinin əmələ gəlməsinin qarşısını alırlar.
Qoz, fındıq, fıstıq, badam kimi çərəzlərin tərkibində çox miqdarda protein var. Bunlar da xərçəngi təşviq edən hüceyrələrin meydana gəlməsinin qarşısını alaraq bədənimizin xeyrinə işləyir. Gündəlik qida rasionunuza bir ovuc qoz-fındıq daxil etmək vacibdir. /cebheinfo.az/
