Cənubi Amerika ölkəsi Kolumbiyada sarı qızdırma panikası var . Kolumbiya hökuməti sarı qızdırma hallarının artması səbəbindən ümummilli fövqəladə vəziyyət elan edib.
Turkustan.az xəbər verir ki, Kolumbiyanın Səhiyyə naziri Gilermo Alfonso Jaramillo açıqlamasında "Epidemiya başlayandan bəri 74 hadisə və 34 ölüm qeydə alınıb" dedi.
Jaramillo ən kritik vəziyyətin Kolumbiyanın mərkəzi-qərb hissəsindəki Tolima bölgəsində olduğunu, burada 22 hadisənin aşkar edildiyini söylədi.
Sarı qızdırma virusu Aedes və ya Haemagogus ağcaqanadlarının dişləməsi ilə ötürülən viral xəstəlikdir. Semptomları inkişaf etdirənlər üçün inkubasiya müddəti 3-6 gündür. Xəstəliyin ilk əlamətləri qəfil qızdırma, titrəmə, şiddətli baş ağrısı, bel ağrıları, ümumi bədən ağrıları, ürəkbulanma, qusma, yorğunluq və halsızlıqdır.
Xəstələrin təxminən 15 faizi daha ağır mərhələyə keçir. Nəhayət, şok və çoxlu orqan çatışmazlığı inkişaf edir. Bu xəstələrin yarısı ilk simptomların başlamasından 10-14 gün sonra ölür.
Aytən Yaşar/ Turkustan.az
