Qırmızı ət yemək ürək-damar xəstəliklərinin inkişaf riskini artırır və onun istehsalı ətraf mühitdə güclü iz buraxır.
Bunu Pekin Tibb Universitetinin alimləri təsdiq ediblər.
Turkustan.az xəbər verir ki, bu barədə “Science Advances” (SciAdv) jurnalı yazır.
Çinli tədqiqatçılar mal əti, quzu və donuz əti istehsalının ətraf mühitə dağıdıcı təsirinin bütün digər qida məhsullarından daha çox olduğunu bildiriblər. İnsan fəaliyyətinin təbiətə bu təsiri ekoloji iz adlanır.
Onların fikrincə, bu, pəhrizə yanaşmaların dərhal dəyişdirilməsini tələb edir.
Alimlər dəqiqləşdiriblər ki, heyvandarlıq külli miqdarda istixana qazları emissiyası ilə müşayiət olunur, suyu və torpağı çirkləndirir, meşələrin qırılmasına və planetdə biomüxtəlifliyin itirilməsinə səbəb olur.
Tibbi statistika qırmızı ətin sağlamlıq üçün təhlükəsini təsdiqləyir:
Müntəzəm istehlak ürək-damar xəstəlikləri riskini 40% və xərçəng riskini 25% artırır. Eyni zamanda, bitki mənşəli qidalar əks təsirə malikdir. O, ətraf mühitə nə qədər az təsir edərsə, bir o qədər çox sağlamlıq faydası təmin edər.
Çin alimləri xüsusilə intensiv heyvandarlıq olan bölgələrdə ət istehlakını tədricən azaltmağı, onu paxlalılar, taxıllar və bitki zülalları ilə əvəz etməyi tövsiyə edirlər. Ekspertlər hesab edirlər ki, bu yanaşma ekosistemin yükünü azaltmağa və əhalinin sağlamlığını yaxşılaşdırmağa kömək edəcək. /Cebheinfo.az/
