Xüsusilə soyuq vaxtlarda sidik yolu infeksiyaları kişilərdə cinsi aktivliyi aşağı sala bilər.
Bunu Modern.az-a açıqlamasında uroloq-androloq Qardaşxan Mamedov bildirib.
O qeyd edib ki, qış aylarında sidik yolu infeksiyası çox olduğu üçün soyuqdan qorunmaq, qazlı sulardan və spirtli içkilərdən istifadə etməmək tövsiyə olunur.
"Bəzi kişilərimiz hamama gedir və isti-soyuğa məruz qalır. Bunlar asanlıqla sidik yolu infeksiyalarının əmələ gəlməsinə səbəb olur”, - həkim vurğulayıb.
Androloq bildirib ki, sidik yolu infeksiyaları bəsit və cinsi yolla keçən infeksiyalar olmaqla iki qrupa bölünür:
“Bu zaman bir neçə üsulla müalicə etmək mümkündür. Bəlli bir sxemlə normal konservativ müalicə aparılsa, xəstəlik sağalır. Əgər bu sxem sona qədər aparılmasa, sidik yolu infeksiyaları xroniki vəziyyətə keçir ki, bu da gələcəkdə kişinin həyatında davamlı simptomlarla özünü göstərir”.
