Yaxın günlərdə bu məhsullar bahalaşacaq – SİYAHI

Fevralın 25-i Su çərşənbəsidir. Bu da o deməkdir ki, artıq Novruz bayramına bir aydan az müddət qalıb. Novruzun da gəlişi bir başqa aləmdir, əsl el bayramıdır. İnanclara görə hər kəs bayram süfrəsini bol bəzəyir ki, növbəti il daha uğurlu və ruzili olsun.

Di gəl ki, xalqın bu ülvi hislərindən ən çox faydalanan işbazlar olur. Məlumdur ki, hər bayram öncəsi bazarda qiymətlər xeyli artır.

Novruz ərəfəsində hansı məhsullar bahalaşacaq?

Məsələ ilə bağlı Bizim.Media-ya danışan Liberal İqtisadçılar Mərkəzinin sədri Akif Nəsirli bildirib ki, artıq bu bir ənənə halını alıb ki, bayram ərəfəsində qiymətlər qalxır:

“Növbəti həftə Su çərşənbəsidir. Bununla bağlı istehlak bazarında da bir hərəkətlilik var. Meyvə-tərəvəzin qiyməti demək olar ki, hər gün artır. Amma Novruz bayramına görə bəzi məhsulların qiymətində kəskin bahalaşma hələ qabaqdadır.