Xəbər verdiyimiz kimi, Prezident İlham Əliyevin Sərəncamı ilə Rafael Sergeyeviç Qvaladze 1-ci dərəcəli “Vətənə xidmətə görə” ordeni ilə təltif edilib.
Turkustan.az -ın "Unikal"a istinadən məlumatına görə, o, 1948-ci il yanvarın 1-də Gürcüstan Respublikasının Laqodexi şəhərində anadan olub. 1971-ci ildə Azərbaycan Dövlət Universitetinin hüquq fakültəsini bitirib.
Əmək fəaliyyətinə 1971-ci ildə Azərbaycan Respublikası Ali Məhkəməsində başlayıb. Həmin ildən 1985-ci ilədək Azərbaycan Respublikasının Ali Məhkəməsində baş məsləhətçi, şöbə rəisi vəzifələrində çalışıb. 1985-ci ildən 1990-cı ilə qədər Azərbaycan Respublikası Ali Məhkəməsinin hakimi vəzifəsində işləyib. 1990-ci ildən 1992-ci ilədək Azərbaycan Respublikasının prokurorluq və ədliyyə orqanlarında müxtəlif vəzifələrdə çalışıb. 1992-ci ildən 1998-ci ilədək Ali Məhkəmədə şöbə rəisi vəzifəsində işləyib.
14 iyul 1998-ci ildə Azərbaycan Respublikası Milli Məclisinin qərarı ilə Azərbaycan Respublikası Konstitusiya Məhkəməsinin hakimi vəzifəsinə təyin olunub. Məhkəmə Hüquq Şurasının üzvüdür. 2003-cü ildə "Tərəqqi" medalı ilə təltif olunub, 2007-ci ildə "Əməkdar hüquqşünas" fəxri adı verilib.
Milli Məclisinin 22 iyun 2010-cu il tarixli Qərarı ilə yenidən Azərbaycan Respublikası Konstitusiya Məhkəməsinin hakimi vəzifəsinə təyin edilib. 2017-ci ildə "Azərbaycan Respublikası Prezidentinin fəxri diplomu" ilə təltif olunub.
Həmçinin, "Azərbaycan Xalq Cümhuriyyətinin 100 illiyi (1918 - 2018)" yubiley medalı, 2-ci dərəcəli “Vətənə xidmətə görə” ordeni və "Heydər Əliyevin 100 illiyi (1923-2023)2 yubiley medalları ilə təltif edilib.
