“Nə qədər o Santuşdur kimdir, oradadır, ondan komanda olmayacaq".
Turkustan.az pravda.az-a istinadla xəbər verir ki, bunu Milli Məclisin deputatı Aqil Abbas deyib.
Onun sözlərinə görə, milli yox kimi bir şeydir:
“Nə qədər o Santuşdur kimdir (Fernando Santuş - red.), oradadır, ondan komanda olmayacaq. Santuş bizim mentalitetimizi bilmir, futbolçuları tanımır. Öz məşqçimizi təyin etməliyik. Qoy lap reytinqdə min əlliyə düşsün. Sonra qalxacaq.
Dünən futbolçumuz Qara Qarayev televiziyada yaxşı söz dedi. Dedi ki, hər şeyə sıfırdan başlamalıyıq. Milli komandamız sıfırdan başlamalıdır, yığılmalıdır. Öz də bu, milli komanda deyil, yığma komandadır. Milli komanda başqa şeydir.
Bizdə milliləşdirilmiş xarici futbolçular var. Həm də regionlarda futbol inkişaf etməyənə qədər milli komanda düzəlməyəcək. Hələ gələn il limiti də ləğv ediblər, heç milli komandaya futbolçu tapmayacağıq. Nə edim, vallah... Mən futbol mütəxəssisi deyiləm. Bunu AFFA-nın rəhbərliyi oturub fikirləşməlidir ki, nə etməlidir”.
