Tramp bu gün 100-dən çox ölkəyə qarşı "Tarif Müharibəsi" elan etdi. Bu ölkələr içərisində Azərbaycan da var. Belə ki, ölkəmiz üçün minimal 10% həcmində gömrük rüsumu müəyyən edilib.
Bildirək ki, tariflər 3 aprel 2025-ci il tarixindən qüvvəyə minir. Tramp bildirib ki, bu, Amerika tarixində ən mühüm günlərdən biridir: "Bu, bizim iqtisadi Müstəqillik Bəyannaməmizdir".
Buna qarşılıq olaraq həmin ölkələr də ABŞ-a cavab verəcəklərini açıqlayıblar.
Maraqlıdır görəsən, Tramp bu addımla özünə yeni düşmənlər qazandı? Bəs bu tarif ABŞ-Azərbaycan münasibətlərinə necə təsir edəcək? Turkustan.az olaraq bu sualları siyasi şərhçi Samir Hümbətova ünvanladıq.
Düşünürəm ki, Trampın bu tətbiq etdiyi tariflər uzunmüddətli olmayacaq çünki, Kanada və Meksika ilə bağlı da belə anoloji addımlar atmışdı, amma sonradan o tarifə də bir dəyişiklik etməyə başladı. Trampın bu tarifi ümumi şəkildə tətbiq edilib. Amma hər halda, bu tarifin ABŞ-Azərbaycan münasibətlərinə yaxşı nəsə vəd edəcəyini düşünmürəm. Yəqin ki, ABŞ rəsmiləri də bunu bilir, amma hər vəziyyətdə ABŞ-ın indiki halda ölkəmizə qarşı qərəzli mövqe tutacağına da inanmıram. Düşünürəm ki, imzalanan sənəddə müəyyən istisnalar da mövcuddur. ABŞ bunu hesablamış olmalıdır. Biz gözləyək görək, bir müddətdən sonra tariflərin nəticəsi necə olacaq. Düşünürəm ki, bizə qarşı tətbiq edilən tarif Rusiyaya qarşı tətbiq edilən sanksiyaların bir elementidir. Yəni, həmin ölkələr Rusiya ilə ticarəti azaltsınlar. Amma buna baxmayaraq biz ABŞ-la ticarəti davam etdirik. Əgər Rusiya-Ukrayna münasibətində müsbət irəliləyiş olarsa, sanksiyalar qısa müddətdə yekunlaşar, hadisələr normal məcrasına dönə bilər. Hər bir halda, dövlətlər bununla bağlı çıxış yolu axtarırlar.
Aytən Yaşar/ Turkustan.az
