Görünən odur ki, İstanbul hadisələri ilə Suriyadakı son hadisələr bir-birinə bağlıdır.
Turkustan.az xəbər verir ki, bunu Azərbaycanın sabiq xarici işlər naziri Tofiq Zülfüqarov İstanbul Böyükşəhər Bələdiyyəsinin sədri Əkrəm İmamoğlu və təfdarlarının həbsini şərh edərkən deyib.
Tofiq Zülfüqarovun sözlərinə görə, bu gün Latakiyadakı (Suriya) üsyana birbaşa Rusiya hərbi bazalarının ərazisindən nəzarət edildiyinin təfərrüatları ictimaiyyətə məlum olub.
“Operativ nəzarət, təbliğat dəstəyi, o cümlədən səhnələşdirilmiş videoçarxların hazırlanması, atıcı silahların yayılması və s.
Belə çıxır ki, Rusiya qüvvələrinin nəzarəti altında olan iranpərəst proksi qüvvələrin qalıqları Suriyanın bütün Aralıq dənizi sahillərinə nəzarəti ələ keçirmək niyyətində olublar.
Cənubda eyni zamanda vətəndaş müharibəsi başlayandan İsraillə əməkdaşlıqda ittiham olunan ifrat sağçı radikallar fəallaşıb.
Ən əsası isə şimal-şərqdəki bölgələrdən paytaxt istiqamətində PKK-nın nəzarətində olan qüvvələrin hücumu başladı. Nəticədə, “qərbli” oyunçular İran-Rusiya qüvvələri ilə koordinasiyada türkyönümlü Əl-Şaraa müvəqqəti hökumətini devirməyə cəhd etdilər.
Və bu gün İstanbulda baş verənlər Ərdoğana təzyiqi davam etdirmək cəhdidir. Ona görə də hesab edirəm ki, bu hadisələri 3 ildən sonra keçirilməsi planlaşdırılan və Ərdoğanın iştirak etməyəcəyi seçkilərlə əlaqələndirmək ictimaiyyəti çaşdırmaq cəhdidir”./modern.az
