Sosial media platformalarında Lerik rayonunda avtovağzalda erməni qıza məxsus tələbə biletinin tapılmasına dair məlumatlar yayılıb.
Məsələ ilə bağlı "Teleqraf" İnformasiya Agentliyinin əməkdaşı Lerik Rayon İcra Hakimiyyəti ilə əlaqə saxlayb.
İcra Hakimiyyəti başçısının müavini - İctimai-siyasi və humanitar məsələlər şöbəsinin müdiri Arzu Vəliməmmədova Teleqraf-a açıqlamasında sözügedən paylaşımla bağlı heç bir məlumatlarının olmadığını deyib.
"İcra Hakimiyyətinə bununla bağlı müraciət daxil olmayıb. Əgər hansısa məlumat olarsa, bu barədə açıqlama veriləcək".
Daxili İşlər Nazirliyinin Lənkəran regional qrupundan isə bildirilib ki, qeyd olunan məsələ ilə bağlı açıqlama vermək onların səlahiyyətlərinə aid deyil.
