“Bakıda həbsdə olan Ruben Vardanyan sadəcə Qarabağdakı qanunsuz əməlləri deyil, həm də Ukraynadakı hərəkətləri və Rusiyanın ölkəmizə təcavüzünü maliyyələşdirməsinə görə cəzaya layiqdir”.
Turkustan.az xəbər verir ki, bunu Ukrayna Ali Radasının Müvəqqəti İstintaq Komitəsinin sədri Anna Skoroxod deyib.
O, Bakıya çağırış edərək bildirib ki, müxtəlif ölkələrdən olan 120-dən çox deputat Vardanyanla bağlı tələb irəli sürüb:
“Ukrayna, Latviya, Litva və Rumıniyadan olan 120dən çox deputat Nobel Komitəsinə Ruben Vardanyanın namizədlər siyahısından çıxılmasını tələb edən kollektiv məktublar ünvanladı. Lakin komitə çağırışa məhəl qoymadı. Vardanyan pul kisəsidir, Ukraynaya qarşı təcavüzün sponsorudur. Qarabağdakı keçmiş qondarma rejimin də “rəhbərlərindəndir”. Ümid edirəm ki, hazırda məhkəmə prosesinin davam etdiyi rəsmi Bakıda onun Ukraynaya qarşı cinayətləri də nəzərə alınacaq. Ona mütləq cəza verilməlidir”.
Qeyd edək ki, Azərbaycana qarşı hərbi cinayətlərdə ittiham olunan Ruben Vardanyan, Araik Arutyunyan, Davit İşxanyan, Arkadi Qukasyan, Bakı Saakyan və digərlərinin məhkəmə prosesi davam edir./Globalinfo.az