Bakıda avtobusda mübahisə yaşanıb.
Turkustan.az modern.az-a istinadən xəbər verir ki, görüntülər 149 nömrəli “Baku Bus” sərnişindaşıma avtobusunda lentə alınıb.
Hadisə barədə “BakuBus” MMC ilə əlaqə saxladıq.
MMC-dən saytımıza bildirilib ki, hadisə ötən gün, saat 21:30 radələrində baş verib. Qeyd edilib ki, hadisə ilə bağlı aparılmış araşdırma zamanı videomüşahidə görüntülərindən, sürücü Rəcəbov Xəyalət Azad oğlu tərəfindən qaydalar kobud şəkildə pozduğu müşahidə olunub. Bu səbəbdən, əmək qanunvericiliyinə uyğun olaraq sürücünün işdən azad edilməsi barədə qərar qəbul edib.
“Baş vermiş hadisəyə görə sərnişinlərdən üzr istəyir və bu kimi halların təkrarlanmaması üçün bütün zəruri addımların atılacağına Sizi əmin etmək istərdik.
Fürsətdən istifadə edərək keyfiyyət standartlarını fəaliyyət prioriteti elan edən “BakuBus”ın bundan sonra da bu kimi hallara qarşı barışmaz olacağını bir daha diqqətə çatdırır, sərnişinlərimizə müraciət edərək bu kimi hallarla qarşılaşdıqları zaman bizə məlumat vermələrini xahiş edirik”, – açıqlamada qeyd olunur.
