Kreml Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbinin dekabrın 25-də Qazaxıstanda baş verən təyyarə qəzasının səbəbləri ilə bağlı açıqlamasını görüb, lakin onları araşdırmanın nəticələrini gözləməyə çağırıb.
Turkustan.az xəbər verir ki, bunu Rusiya prezidentinin mətbuat katibi Dmitri Peskov deyib.
Beləliklə, o, Kirbinin Qazaxıstanda qəzaya uğrayan təyyarəni Rusiyanın hava hücumundan müdafiə sistemi ilə vurula biləcəyi ilə bağlı açıqlamasına münasibət bildirib.
Eyni zamanda, Peskov Federal Hava Nəqliyyatı Agentliyinin ("Rosaviasiya") rəhbərinin Rusiyanın təyyarə qəzasının halları və səbəblərinin araşdırılmasında həm Qazaxıstan, həm də Azərbaycana hərtərəfli dəstək verməyə hazır olması barədə bəyanatına diqqət yetirməyə çağırıb.
“Rusiyanın bu hazırlığı açıqlanıb. Araşdırmanın nəticələrini gözləyirik və təbii ki, Prezident Administrasiyasının nəsə demək yersizdir. Diqqəti Federal Hava Nəqliyyatı Agentliyinin rəhbərinin açıqlamasına yönəlmək lazımdır”, - Peskov vurğulayıb.
Xatırladaq ki, dekabrın 25-də AZAL-ın Bakıdan Qroznıya uçan "Embraer" təyyarəsi Aktau (Qazaxıstan) yaxınlığında qəzaya uğrayıb. Təyyarədə 5 ekipaj üzvü də daxil olmaqla 67 nəfər olub. Onlardan 42-si Azərbaycan, 16-sı Rusiya, 6-sı Qazaxıstan, 3-ü Qırğızıstan vətəndaşıdır. 38 nəfər ölüb./yenisabah.az
