Tovuz rayonunun Xatınlı qəsəbəsində anadan olur...
Hərbi xidmətini başa vurduqdan sonra "Müddətdən Artıq Həqiqi Hərbi Xidmət Hərbi Qulluqçularının (MAHHXHQ) Hazırlığı Kursu" na qatılır...
2013-2015-ci illərdə Quru Qoşunlarının "N" saylı hərbi hissəsində xidmət edir...
Xüsusi Təyinatlı Qüvvələrdə xidmətini davam etmək istəyən qəhrəmanımız XTQ kursunu uğurla keçir...
2015-ci ildən Xüsusi Təyinatlı Qüvvələrdə snayperçi olaraq xidmət edir...
Vətən Müharibəsində Murovdağ döyüşlərində, Hadrut, Cəbrayıl, Füzuli uğrunda gedən döyüşlərdə xüsusi igidlik və rəşadət göstərən, Daşaltı istiqamətində gedən döyüşlərdə düşmənə ağır, sarsıdıcı zərbələr vuran, xeyli sayda canlı qüvvəsini və hərbi texnikasını məhv edən, yaralandığı halda döyüş meydanını tərk etməyən və yaralı halda 4 gün şücaətlə döyüşən Xüsusi Təyinatlı Qüvvələrin giziri, Vətən Müharibəsi Qəhrəmanı Yaşar Əhmədov!
Qəhrəmanımız Vətənə xidmətə görə "Cəbrayılın azad olunmasına görə", "Füzulinin azad olunmasına görə", "Xocavəndin azad olunmasına görə", "Kəlbəcərin azad olunmasına görə" medalları, həmçinin, "Şücaətə görə" medalı ilə təltif edilib.
Hazırda vətənə xidmətini şərəflə davam edən qəhrəmanımıza bundan sonrakı fəaliyyətində uğurlar diləyirəm!
Əminəm ki, gəncliyini, həyatını bir xüsusi təyinatlı kimi torpaqlarımızın işğaldan azad olunmasına həsr edən qəhrəmanımız bundan sonra da Vətənə şərəfli xidməti ilə iz qoyacaq!
Allah sizi qorusun Vətənin qəhrəman oğlu! Siz Vətəni ucaltdınız! Siz bayrağımızı ucaltdınız! Allah da sizi ucaltsın!
"Sədaqətim şərəfimdir" andına sadiq olan qəhrəmanımız! Biz sizinlə fəxr edirik!
Sevinc Bəhmənli
