Məşhur "Romeo və Cülyetta" filmindəki rolu ilə şöhrət qazanmış aktrisa Oliviya Hassi 73 yaşında vəfat edib.
Turkustan.az xəbər verir ki, bu barədə BBC məlumat yayıb.
Londonda böyüyən Argentina əsilli aktrisa cümə günü yaxınlarının əhatəsində dünyasını dəyişib.
Cülyetta roluna görə Hassi “Ən yaxşı yeni aktrisa” kimi “Qızıl Qlobus” mükafatı almışdı.
Onun digər ən diqqətəlayiq ekran rolu 1977-ci ildə çəkilmiş serialda İsa peyğımbərin anası Məryəmi oynaması olmuşdu.
Oliviya Hassi 1951-ci ildə Buenos Ayresdə (Argentina) anadan olub və 7 yaşında Londona köçüb. O, “İtalia Conti Academy” dram məktəbində təhsil alıb.
"Romeo və Cülyetta" ən yaxşı film və rejissor işi kimi “Oskar” mükafatına namizəd olub./modern.az
