Azərbaycan Respublikasının Müdafiə Nazirliyinin Həzi Aslanov adına İdealoji və Mədəniyyət Mərkəzinin, Azərbaycan Vətən Müharibəsi Veteranları İctimai Birliyinin, Azərbaycan Maliyyə-İqtisad Kollecinin və Azərbaycan Alpaqut Federasiyasının təşkilatı dəstəyi ilə 17 dekabr saat 16:00-da Şəhriyar adına Mədəniyyət Mərkəzində Azərbaycan Respublikasının Vətən Müharibəsi Qəhrəmanlarına həsr olunan “Söz” adlı teatrlaşdırılmış ədəbi-bədii musiqili kompazisiyanın premyerası olub.
Əvvəlcə şəhidlərin əziz xatirəsi ehtiramla yad olundu, qalibiyyət tariximizə gələn şərəfli yoldan danışıldı.
Musiqili kompazisiyanın layihə rəhbəri və idea müəllifi Azərbaycan Alpaqut Federasiyasının ideoloji məsələlər üzrə vitse-prezidenti, Azərbaycan Vətən Müharibəsi Veteranları İctimai birliyinin fəxri üzvü, Vətənpərvərliyin Təbliğinə Dəstək İctimai Birliyinin sədr müavini bəstəkar, yazar Fərahim Sadiq olan kompazisiyanın teatrlaşdırılmış hissəsinin quruluşçu rejissoru 18 yaşlı gənc aktyor, yazar, bədii qiraətçi Aysu Türkeldir. Xatırladaq ki, bu onun rejissor kimi ilk işidir. Şəhid ailələri, qazilər, veteranlar, ATU-nun Hərbi tibb fakültəsinin rəhbər heyəti və kursantları, bir çox nüfuzlu vətənpərvər QHT rəhbərləri, tanınmış ictimai şəxslər, mədəniyyət və incəsənət xadimlərinində qatıldığı tədbir böyük maraqla qarşılanıb. Müzəffər ordumuzun düşmən üzərində möhtəşəm qələbəsini, Vətənin cəsur övladlarının qəhrəmanlığını özündə əks etdirən kompozisiya tamaşaçılara qürurverici anlar yaşadıb.
Fərahim Sadiq
