Liderlər Soçidə: Azərbaycan və Ermənistan üçün KRİTİK GÜN - Rəsmi


Rusiya Prezidenti Vladimir Putin, Azərbaycan Prezidenti İlham Əliyev və Ermənistanın Baş naziri Nikol Paşinyan arasında hərbi əməliyyatların dayandırılmasına və atəşkəsə dair razılığın imzalanmasının bir illiyinə həsr olunan görüş bu gün - noyabrın 26-da Soçidə reallaşacaq. Görüş V.Putinin təşəbbüsü ilə reallaşacaq.

Bu barədə "TASS" agentliyi Kremlin mətbuat xidmətinə istinadla məlumat yayıb.

Kremldən bildirilib ki, görüşdə tərəflər 9 noyabr 2020-ci il və 11 yanvar 2021-ci ildə imzalanmış razılaşmaların icrasının vəziyyətini müzakirə edəcəklər.
Eyni zamanda, regionda sabitliyin möhkəmlənməsi üçün növbəti addımlar da müzakirə ediləcək. Tərəflər həmçinin regionda ticarət-iqtisadi və nəqliyyat əlaqələrinin bərpasına da xüsusi diqqət yetirəcəklər.

Xəbərdə həmçinin V.Putinin İ.Əliyev və N.Paşinyanla təkbətək görüşəcəyi də bildirilir (APA).


MANŞET XƏBƏRLƏRİ