Bu gün İkinci Dünya Müharibəsinə əsaslanan bir çox sui-qəsd nəzəriyyələri mövcuddur. Bu nəzəriyyələr arasında faşist Almaniyasının lideri Adolf Hitler haqqında ən məşhuru diktatorun ölmüş kimi davranması idi. Rusiya Dövlət Arxivindəki qalıqları araşdıran fransız alimlər sui-qəsd nəzəriyyələrini təkzib etmək üçün nasist diktatorunun ölüm səbəbini üzə çıxarıb və Hitlerin necə öldüyü ilə bağlı sualları cavablandırıblar.
İkinci Dünya Müharibəsinin son dövründə, Sovet qoşunları Berlinə girmək üzrə olduğu bir vaxtda Almaniyanın paytaxtında yeraltı bunkerdə xüsusi hazırlıq işləri görülürdü. Almaniyanın 22 iyun 1941-ci ildə Sovet İttifaqını işğal etmək üçün başlatdığı tarixin ən genişmiqyaslı hərbi əməliyyatı kimi tanınan Barbarossa əməliyyatı uğursuzluğa düçar oldu və əks hücuma başlayan Qırmızı Ordu, Almaniyaya doğru irəliləməyə başlayıb. Təqvimlər 30 aprel 1945-ci ili göstərdikdə,"chr("39")Üçüncü İmperiya" arzusunda olan Adolf Hitler, məğlubiyyəti dəqiqləşdikdən sonra həyat yoldaşı Eva Braun ilə həyatlarını bitirmək qərarına gəldi. Cütlük otaqlarına qapandıqdan sonra sianid kapsulu ilə həyatlarına son qoyublar. Adolf Hitler kapsulu dişləyərkən tapança ilə başına atəş açaraq ölümünə "zəmanət" vermək istəyirdi. Hitlerin tam olaraq necə öldüyünə dair bilinməyənlər bir daha üzə çıxıb.
Adolf Hitler və Eva Braunun cəsədləri sovet ordusunun əlinə keçməməsi üçün zabitlər tərəfindən bunkerdə yandırılıb. Hitlerin ölümündən iki gün əvvəl Almaniyanın müttəfiqi olan İtaliyanın lideri Benito Mussolini ictimaiyyət qarşısında öldürüldü və cəsədi ictimaiyyətə nümayiş olundu. Analoji vəziyyətin onun üçün qaçılmaz olduğunu nəzərə alan Hitler Sovet ordusunun onun bədəninə çatmasını istəmirdi.
Sovet ordusu Berlindəki bunkerə çatanda Hitlerin yanmış cəsədi ilə qarşılaşdılar. Amma mərhumun həqiqətən Hitler olub-olmadığı təsdiqlənməli və cəsədin qalıqları Moskvaya aparıldı. Araşdırmalara görə, yandırılan meyit həqiqətən də Hitlerə məxsus olub.
Almaniyanın təslim olması ilə İkinci Dünya Müharibəsinin Avropa cəbhəsində müharibə başa çatdı və gözlər Sakit okean cəbhəsindəki münaqişələrə çevrilib. Lakin bu hadisə zamanı Adolf Hitlerin ölümü ilə bağlı bir çox sui-qəsd nəzəriyyələri irəli sürülüb. Hitlerin bir çox hərbi cinayətkar alman zabitləri kimi gizli şəkildə Argentinaya qaçdığı, üzünü dəyişdiyi və hətta Antarktidadakı gizli nasist bazasında məskunlaşdığı iddia edilsə də, bu iddialar heç vaxt təsdiqini tapmayıb.
Hitlerin ölümündən illər sonra bir qrup elm adamı sui-qəsd nəzəriyyələrini çürütmək üçün Hitlerə aid olduğu düşünülən cəsədin qalıqlarını tədqiq etdi. Adolf Hitlerin 1945-ci ildə sianid içərək başına güllə ataraq öldüyünü sübut etmək üçün fransız alimləri onun meyitindən qalan dişləri və kəllə parçalarını analiz ediblər.
Araşdırma qrupunun üzvü Philippe Charlier, 2018-ci ilin may ayında European Journal of Internal Medicine jurnalında dərc edilən araşdırmanın nəticəsini açıqlayaraq, "Dişlər əsldir və Hitlerindir. Buna heç bir şübhə yoxdur. Şübhə yoxdur ki, Adolf Hitlerin "Argentinaya sualtı qayıqdan istifadə edərək qaçdığını, Antarktidada gizli bazada olduğunu və ya hətta Ayın qaranlıq tərəfində nasist bazasında olduğunu iddia edən sui-qəsd nəzəriyyələrinin həqiqətə uyğun olmadığı sübuta yetirildi".
2018-ci ilin aprelində İkinci Dünya Müharibəsi illərində xidmət etmiş rus tərcüməçisinin xatirələri dərc edildikdən sonra Adolf Hitlerin cəsədinin qalıqları yenidən gündəmə gəlib. Tərcüməçinin xatirələrində Hitlerin cəsədinin qalıqlarının 1945-ci ildə necə tədqiq edildiyi, diş qeydləri yoxlanıldıqdan sonra cəsədin Hitlerə aid olduğu təsbit edildiyi bildirilib və Hitlerin cəsədinin daha əvvəl sərgilənən hissələrinin olduğu iddia edilib.
Hitlerin qalıqlarının Rusiya arxivlərində tapıldığı üzə çıxandan sonra bir qrup alim Rusiya ilə uzun danışıqlara başlayıb. Danışıqlardan sonra Rusiya kəşfiyyatının razılığı ilə Hitlerin Rusiya arxivlərində olan qalıqlarının araşdırılmasına icazə verilib.
Hərtərəfli müayinə onun kəlləsindəki dəliyin güllədən yarandığını təsdiqləyib. Hitlerin ölümündən əvvəl çəkilmiş rentgenoqrafiya qeydləri ilə arxivdəki qalıqların müqayisəsi nəticəsində qalıqların Hitlerə aid olduğu təsdiqlənib.
Araşdırmalar zamanı məlum olub ki, Hitlerə aid olduğu sübut edilən dişlərdə ağ diş daşı tapılıb və vegetarian olduğu üçün ət lifindən əsər-əlamət yoxdur. Hitlerin ölümündən əvvəl ağzındakı dişlərin demək olar ki, hamısının protez olduğu müəyyən edilib.
Adolf Hitlerin canını alarkən siyaniddən istifadə edib-etmədiyinin tam aydınlaşdırılmadığını bildirən tədqiqatçılar, protezlərdəki mavi ləkələrin yandırma zamanı sianid istifadəsi və ya kimyəvi reaksiyalar nəticəsində yaranmış ola biləcəyini və Hitlerin böyük ehtimalla həyatına son qoyduğunu düşünürlər.
Eltac/Turkustan.az
