Rusiya Ukrayna müharibəsində qələbə çalarsa, növbəti ölkə Moldova olacaq.
Turkustan.az xəbər verir ki, artıq Rusiya xarici işlər naziri Sergey Lavrovun "Rossiya 24" kanalına geniş müsahibəsində verilən mesaj barədə ətraflı analitik materiallar dərc edilir.
Aydındır ki, Sergey Lavrovun bu açıqlaması təsadüfi deyil və Kremlin SSRİ-ni başqa şəkildə yaratmaq üçün böyük planlarından biridir. Araşdırma Qrupumuzun Moskvadakı beyin mərkəzlərindən birindən əldə etdiyi hesabatda xüsusi olaraq vurğulanır ki, Rusiya yalnız Dnestryanı ərazilərlə kifayətlənmir. Putin hakimiyyəti qaqauzların məskunlaşdığı regiona da göz dikib və bununla bağlı ciddi planları var.
Həmin hesabatlara görə, ruslar öz milli muxtariyyəti olan və Moldova Respublikasından ayrılmaq istəyən qaqauzlar arasında agent şəbəkəsi formalaşdırıb.
Həmin agentlərin hazırladığı bir arayışda deyilirdi: "1980-1990-cı illərin sonunda Suverenliklər Paradı zamanı rumınyönlü Kişinyov hökuməti Moldovanın Rumıniya ilə birləşməsi kursunu müəyyənləşdirdi. Nəticədə respublikada rusdilli əhalinin hüquqlarına qəsd edən siyasət yürüdülməyə başladı. Bütün bunlar Dnestryanı və Qaqauziya ərazisində separatizmə gətirib çıxardı".
Beləliklə, ruslar 1990-cı ildə Moldovanın cənubundakı Dnestryanıya soxula bildilər və 1995-ci ilə qədər Qaqauziyaya da "barmaqlamağı" bacardılar".
Moskvadakı həmin hesabatda deyilir: "Kişinyova tabe olmayan Qaqauziyada separatizmi dayandırmaq üçün rumıniyapərəst baş nazir Mirça Drukun rəhbərliyi altında moldova millətçilərinin dəstələri göndərildi. Beləliklə, Moldova vətəndaş müharibəsi ərəfəsində idi, lakin Sovet Ordusunun hissələrinin gəlişi sayəsində qan tökülməsinin qarşısı alındı və millətçi dəstələr Kişinyova geri qayıtdılar".
Qeyd edək ki, 1994-cü ilin dekabrında Moldovanın yeni rəhbərliyi Qaqauziya problemini həll edə bildi və 1995-ci ildə özünü elan etmiş Qaqauz Respublikası muxtar ərazi qurumuna çevrildi və artıq rəsmi olaraq Moldova Respublikasının tərkibinə daxil oldu.
Yenə həmin məqsədli sənəddə deyilir: "Rəsmi olaraq Moldovanın bir hissəsi olmasına baxmayaraq, qaqauzlar Kişinyovdan öz müstəqil siyasətini həyata keçirirlər. Belə ki, 2014-cü ildə Qaqauziyada referendum keçirildi, burada sakinlərin 90%-dən çoxu öz milli muxtariyyətlərinin Rusiya ilə Gömrük İttifaqına daxil olmasına səs verdi, lakin rəsmi Kişinyov bu referendumun nəticələrini tanımadı".
Göründüyü kimi, Kremlə görə, Dnestryanı bölgədə yaşayan ruslar Rumıniyanın bir hissəsi olmaq və rumın dilində danışmaq istəmirlər. Qaqauzlar barədə isə niyyət belədir: "Qaqauziya ilə bağlı iş çox maraqlıdır. Məsələ burasındadır ki, pridnestroviyalılardan fərqli olaraq qaqauzlar 15-ci əsrdə pravoslavlığı qəbul edən türk xalqları qrupuna daxildir. Ancaq türk mənşəli olmalarına baxmayaraq, qaqauzlar Türkiyəyə deyil, Rusiyaya rəğbət bəsləyirlər, görünür, pravoslav mədəniyyətinin təsiri öz təsirini göstərir".
Qeyd edək ki, dünyada qaqauzların ümumi sayı 250 min nəfərə yaxındır, Moldova ilə yanaşı, Bolqarıstan, Rumıniya və Rusiyada da yaşayırlar.
İndi Rusiyanın imperailist dairələrində bu təbliğatın aparılmasına başlanacaq: "Qaqauzlar rus ruhlu türk pravoslav xalqıdır"
Kreml ümid edir ki, 1848,5 km² ərazisinin (təxminən Sankt-Peterburq şəhəri boyda) sahibi olan qaqauzlar referendum keçirəcək və Dnestryanı ilə birlikdə Rusiyanın bir hissəsi olacaqlar. /konkret.az/
