İsrailin Baş naziri Benyamin Netanyahu Yerusəlimdəki hücumlara cavabın sürətli, güclü və dəqiq olacağını vəd edib. Hücumdan sonra təhlükəsizlik kabinetinin iclasında İsrail hökumətinin başçısı da vətəndaşları qanuna tabe olmağa çağırıb.
Turkustan.az APA-ya istinadla xəbər verir ki, onun sözlərini "The Times of Israel" nəşri sitat gətirib.
"Cavabımız güclü, sürətli və dəqiq olacaq. Kim bizə pislik etmək istəsə, biz onun özünə zərər verərik. Həmçinin onlara kömək edənlərə!" – siyasətçi bildirib.
Qeyd edək ki, bu gün gecə saatlarında İranın bir neçə şəhərində dron hücumları həyata keçirilib. Hücumlar nəticəsində İsfahanda silah zavodunda güclü partlayış baş verib.
