Metroda insanları şoka salan hadisə baş verib. Metroya minən qadın başqa bir qadın sərnişinə elə hərəkət edib ki, sərnişinlər yaşadıqlarına təəccübləniblər.
Turkustan.azxəbər verir ki, Rusiyanın paytaxtı Moskvada metronun Qovorovo stansiyasından Minskayaya gedən metroda bir qadın telefonla danışdığı üçün digər qadın sərnişin tərəfindən üzündən bıçaqlanıb.
Rusiya Daxili İşlər Nazirliyinin Mətbuat Xidmətindən verilən açıqlamada, 50 yaşlı təcavüzkarın qısa müddətdə yaxalandığı və adam öldürməyə cəhd cinayətindən mühakimə olunacağı bildirilib.
Üz nahiyəsindən bıçaq zərbəsi alan qadın sərnişinə ilkin tibbi yardımın metro stansiyasında göstərildiyi və həyatının təhlükədə olmadığı bildirilib.
Nazirlik tərəfindən paylaşılan videoda təcavüzkarın qadın sərnişini bıçaqladıqdan sonra metrodan düşdüyü görülüb.
Eltac Zülfüqaroğlu/Turkustan.az
