ABŞ-da edam cəzasına məhkum edilmiş ölümcül iynə ilə ölməyən məhkum Alan Eugene Millerin edam hökmü ölkədə daha əvvəl heç vaxt tətbiq olunmayan azot hipoksiyası ilə icra olunacaq. Miller bu üsulla edam edilən ilk məhbus olacaq.
Alan Eugene Miller 1999-cu ildə Terry Jarvis, Lee Holdbrooks və Scott Yancy-ni öldürdüyü hücumda günahkar bilindikdən sonra ölüm cəzasına məhkum edildi. Alabama ştatından edam cəzasına məhkum edilən şəxs səlahiyyətlilər onun damardaxili xəttini tapa bilmədiyi üçün saatlarla edam masasında saxlanılıb.
HEÇ TƏTBİQ OLUNMAYAN ÜSUL İLƏ İCRA EDİLƏCƏK
Millerin uğursuz edamından sonra onun vəkilləri və məhkəmə məmurları tərəfindən bağlanan razılaşmaya əsasən, məhbus iynə vurulmaqla edam edilməyəcək. Tərəflərin bağladığı razılaşmaya görə, o, azot hipoksiyası ilə edam ediləcək. Ancaq heç kim bu şəkildə edam edilməyib və Alabama ştatının bu cür edam üçün heç bir protokolu yoxdur. Edam azot hipoksiyası dövlət rəsmiləri tərəfindən təsdiqləndikdən sonra həyata keçiriləcək.
Nəzəri olaraq bir neçə dəqiqədə ağrısız ölümə səbəb olduğu bildirilən yeni üsulun sınaq heyvanları üzərində praktikada daha ağrılı və daha uzun sürdüyü iddia edilir. Bəzi insanlar bu üsulu dəstəklədiyi halda, bəzi elm adamları bu üsulun praktikada daha ağrılı olacağını iddia edir.
Eltac Zülfüqaroğlu/Turkustan.az
