Xəbər verdiyimiz kimi, bu gün Prezideent özünə yeni köməkçi təyin edib. Yenisabah.az Azərbaycan Respublikası Prezidenti Administrasiyasının Hərbi-texniki təminat məsələləri şöbəsinin müdiri Andrey Spilinin tərcümeyi-halını araşdırıb.
Andrey Spilin 1995-1999-cu illərdə siyasi elmlər üzrə bakalavr təhsili alıb. Daha sonra o, təhsilini magistr dərəcəsi üzrə 2000-2002-ci illərdə Azərbaycan Dövlət İqtisad Universitetində Biznes mühasibatçılığı və audit ixtisası üzrə davam etdirib. Bununla yanaşı, Bakı Dövlət Universitetində hüquq üzrə magistr təhsili də alıb.
A.Spilin 1999-cu ildə Konstitusiya Məhkəməsinin Hüquqi təminat və informasiya-kommunikasiya texnologiyalarının tətbiqi şöbəsinin əməkdaşı, 2001-ci ildə isə müdiri təyin edilib.
2003-cü ildən "McDermott Caspian Contractors" şirkətində fəaliyyətə başlayıb.
2008-ci ildə isə Paşa İnşaat MMC-də işə qəbul edilib. Sonra "PAŞA İnşaat"da İnsan Resursları Departamentinin direktoru vəzifəsində çalışıb.
Daha sonra A. Sipilin Birinci vitse-prezident Mehriban Əliyevanın köməkçisi təyin olunub.
