"Mehdi gəlsə, gərək birinci İrandan başlasın..." - Siyavuş Novruzov


“Əfsuslar olsun ki, bizi əhatə edən bəzi ölkələr Azərbaycanda baş verən müsbət dəyişikliklərdə başqa faktorlar axtarırlar”.

Turkustan.az xəbər verir ki, bunu Milli Məclisin bu gün keçirilən iclasında parlamentin Regional məsələlər komitəsinin sədri Siyavuş Novruzov bildirib.

Siyavuş Novruzov deyib ki, İrana yer qəhətdir ki, gəlib 5 metrlik Araz sahilində təlimlər keçirir: “İranın o boyda ərazisi var. Get Kiş adasında keçir, Hind okeanının sahillərində keçir! Arazın kənarında belə təlimlərin keçirilməsinə nə ehtiyac var?! Orada nümayiş olunan texnikaya, keçidlərə, Araz çayı üzərində körpülərə nə ehtiyac var?! Araz çayını velosipedlə də keçmək olar. Orada körpü salıb tank keçirməyin nümayiş etdirilməsinin heç bir əsas yoxdur. Bu artistliyin heç bir yeri yoxdur! Bununla da heç kimə hədə-qorxu gəlmək mümkün deyil. Adlarını İslam ordusu, Mehdi ordusu qoyublarsa, Azərbaycan torpaqlarında işğal zamanı qəbirlər, məscidlər təhqir olunanda bu İslam ordusu niyə hərəkət keçmirdi? Əgər Mehdinin adından istifadə edirsə, o zaman Mehdi gələrsə, gərək birinci İrandan başlasın. Biz həm İslama sadiqik, həm dünyanın ən yaxşı dini forması Azərbaycandadır və biz bu yola davam edirik”. (APA)


MANŞET XƏBƏRLƏRİ