Rusiyanın qazın kəsilməsi qərarından sonra qənaət planına keçən Avropadan diqqətçəkən xəbərlər gəlir. Bir çox ölkədə tarixi yerlər qaranlıqda qalarkən, İspaniya işçilərdən kondisionerlərə güvənmək əvəzinə qalstuklarını çıxarmalarını istəyib. Fransa və Belçika nüvə obyektləri üçün işləməyə davam edərkən, Makron vəziyyətin tez bir zamanda həlli üçün fabriklərin müsadirə edilməsi ideyasını müzakirə edib.
Türküstan.azxəbər verir ki, Rusiyanın enerji nəhəngi "Qazprom" keçən həftə Avropa İttifaqına (Aİ) qaz axınını "əhəmiyyətli dərəcədə" məhdudlaşdıracağını açıqlayıb. Ukrayna müharibəsi başlayandan bəri Avropanın ən böyük kabusuna çevrilən qazın kəsilməsi ittifaqı fövqəladə qənaət planına sövq edib.
İLK TƏSİR ALMANİYADA GÖRÜLÜB
Aİ ölkələri enerji təchizatı təhlükəsizliyini yaxşılaşdırmaq üçün bu qış könüllü olaraq qaza olan tələbatı 15 faiz azaltmağa razılaşıblar.
Enerji böhranının ilk təsiri digər Avropa ölkələrinə nisbətən Rusiyadan təbii qaz idxalından daha çox asılı olan Almaniyada göründü. Qurumların dünən yaydığı görüntülərdə Almaniyanın tarixi binalarının işıqlarının söndürüldüyü və bir çox görməli yerin qaranlıqda qaldığı görülüb.
Bugünkü son vəziyyət onu göstərir ki, digər Avropa ölkələrində də vəziyyət fərqli deyil.
İspaniyanın Baş naziri Pedro Sançez Almaniyanın chr("39")soyuq su ilə duşchr("39") təklifi kimi diqqətəlayiq bir tədbirlə xalqının qarşısına çıxdı və işçilərə iş yerlərində kondisionerlərə güvənmək əvəzinə qalstuklarını çıxarmağı tövsiyə edib.
Mətbuat konfransına özü qalstuksuz gedən Sançes "Mən də qalstuk taxmıram, bu hamımız enerjiyə qənaət edə bilərik" deyərək ölkəsinin də digər Avropa ölkələri kimi enerjiyə qənaət etməyə hazır olduğunu bildirib.
İspaniya gördüyü tədbirlər çərçivəsində evdə işləməyi təşviq edir və alınan qərara əsasən yayda kondisionerlərə, qışda isə qızdırıcılara məhdudiyyətlər tətbiq olunacaq.
AVSTRIYADA IŞIQLAR SÖNÜR
Avstriya, Almaniya kimi, ilk dəfə işıqlandırmanı azaltmaqla enerjiyə qənaət etməyə başladı. Linz şəhərində gecə saatlarında tarixi yerlərin işıqlandırılması dayandırılarkən, Salzburq şəhəri üçün də oxşar planlar hazırlanır.
İctimai binalarda, turistik obyektlərdə və dayanacaqlarda gecələr də işıqlar sönəcək.
BELÇİKA VƏ FRANSA NÜVƏ OBYEKTLƏRİ İŞLƏMƏYƏ BAŞLADI
Avropa ölkələri qış gəlməmişdən əvvəl enerji istifadəsini azaltmağın yollarını tapmağa çalışır. Çarəsiz həll axtarışları arasında ən mühümü kömürlə işləyən elektrik stansiyalarının yenidən işə salınmasıdır. Bu səbəbdən ilin sonunda istismardan çıxacaq qalan üç AES-in ömrünün uzadılması planlaşdırılır.
Fransada atom elektrik stansiyalarının yenidən işə salınması ilə bağlı danışıqlar davam edərkən, Belçika da oxşar addımlar atıb.
QİYMƏTLƏR ÜÇ DƏFƏ ARTA BİLƏR
Avropa ölkələri indi qış gəlməmişdən əvvəl mümkün qədər çox qaz ehtiyatı toplamağa çalışır ki, bu da qiymətlərin rekord həddə çatmasına səbəb olub.
Həm Böyük Britaniyada, həm də Almaniyada Avropadan qaz alan ev təsərrüfatlarına ödənişlərin üç dəfə arta biləcəyi xəbərdarlığı edilib, almanlar isə tədarükün dayandırılmasının qarşısını almaq üçün "əlavə qaz haqları" ödəməklə üzləşirlər.
Hazırladı: Eltac ZülfüqaroğLU/Turkustan.az
Mənbə: Hurriyet.com.tr
