Konqodan olan virusoloq Jan-Jak Muyembe ebolanı məğlub etdiyini açıqlayıb.
Turkustan.az xəbər verir ki, o bildirib ki, ebolaya qarşı illərdir davam edən mübarizənin sonu çatıb. Elm adamı bildirib ki, onun ərsəyə gətirdiyi "Ebanqa" müalicə üsulu ebolanı məhv edir. Elm adamının sözlərinə görə, bu müalicə üsulu ABŞ-ın Qida və Dərman İdarəsi tərəfindən də təsdiq olunub. 40 il əvvəl ebola virusunu kəşf edən elm adamı deyib:
"40 ildir bu qorxunc xəstəliyə qarşı aparılan mübarizənin şahidi və oyunçusuyam. Bu gün deyə bilərəm ki, ebola məğlub oldu. Artıq qarşısı alına və müalicə edilə bilir"./Kanal.az/
