Şimali Koreya Koreya müharibəsinin ildönümünü qeyd edərək, Qərbin "təcavüzünü" pisləyib və qisas alacağını bildirib. Şimali Koreya həmçinin ABŞ-ın Asiyada NATO kimi hərbi ittifaq yaratmağı planlaşdırdığını iddia edib.
Türküstan.azxəbər verir ki, Şimali Koreya şənbə günü Vaşinqton və Seulun "aqressiv hərəkətlərini" pisləyib və Koreya yarımadasında gərginliyin artması fonunda Koreya müharibəsinin 72-ci ildönümündə "intiqam alacağına" söz verib, ölkənin rəsmi xəbər agentliyi KCNA bildirib.
ABŞ-ın Asiyada NATO-ya bənzər hərbi ittifaq qurmaq planında olduğu da iddia edilib. "Yaponiya və Cənubi Koreya ilə birgə təlimlər keçirən ABŞ Asiyada NATO-ya bənzər birlik yaratmağı hədəfləyir", - deyə məlumatda bildirilir.
Şimali Koreyanın son beş ildə ilk nüvə sınağını keçirməyə hazırlaşa biləcəyi ilə bağlı narahatlıqlar fonunda Cənubi Koreya prezidenti Yoon Suk-yeol və ABŞ prezidenti Co Bayden may ayında lazım gələrsə, daha çox ABŞ silahı yerləşdirmək barədə razılığa gəliblər.
KCNA həmçinin bir sıra işçi təşkilatlarının "ABŞ imperialistlərindən qisas almağa and içmək" üçün toplantılar keçirdiyini iddia edib.
