ABŞ-ın Texas ştatından olan 4 uşaq anası, 32 yaşlı Tiffani Şeri məktəb bufetindəki işini ataraq zibillikdən yığdıqları sayəsində həftəyə min dollara yaxın pul qazanır.
Türküstan.azxəbər verir ki, bu barədə "Daily Mirror" yazır.
Belə ki, Şeri 2017-ci ildə "YouTube"da bu işlə məşğul olan qızları gördükdən sonra bu qərara gəlib. İlk dəfə zibilliyə baş çəkdiyi gün qadın bir qutu bahalı kosmetik vasitələr tapıb və həyat yoldaşı Danielə dedikdən sonra onlar bu işlə birlikdə məşğul olmağa başlayıblar.
Son 5 il ərzində cütlük övladları Kayli, Bleyk, Mia və Rakstonu zibillikdən tapdıqları paltarlarla geyindirir və evlərini oradan tapdıqları mebel və dekor əşyalarıyla bəzəyir.
Bundan əlavə, Şeri və Daniel zibillikdən tapdıqlarını qarajlarında sataraq bütün xərclərini ödəyirlər. Onlar həftəyə 730 funt sterlinq (təxminən 1500 manat) qazanırlar.
Qeyd edək ki, daha öncə ABŞ-ın Klifton şəhərinin sakini zibil yeşiyindən bəyəndiyi stulu çıxarmaq istəyərkən konteynerin içinə yıxılıb və 3 gün orada yardım gözləyib.
(big.az)
