Rusiya Baltik Dənizi Dövlətləri Şurasından (CBSS) çıxmaqla bağlı rəsmi qərar qəbul edib .
Turkustan.az xəbər verir ki, bu barədə Rusiya Xarici İşlər Nazirliyinin çərşənbə axşamı yaydığı bəyanatda deyilir.
"Rusiya Federasiyasının xarici işlər naziri Sergey Lavrov düşməncəsinə hərəkətlərə cavab olaraq Şuraya üzv ölkələrin nazirlərinə, Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsinə (Jozef Borrelə), eləcə də Şuranın Stokholmdakı katibliyinə təşkilatdan çıxmaq barədə bildiriş göndərib. Eyni zamanda Rusiya Federasiyasının Federal Məclisi Baltik Dənizi Parlament Konfransından çıxmaq barədə qərar qəbul edib", - sənəddə deyilir.
Rusiya Xarici İşlər Nazirliyi bu qərarın Rusiyanın bölgədəki mövcudluğuna təsir etməyəcəyini vurğulayıb.
"Ölkəmizi Baltikyanıdan sıxışdırıb çıxarmaq cəhdləri uğursuzluğa məhkumdur. Biz məsul tərəfdaşlarla işi davam etdirəcəyik, Baltikyanı regionun inkişafının əsas məsələləri - ümumi irsimiz üzrə tədbirlər keçirəcək, həmvətənlərin maraqlarını qoruyacağıq", - nazirlik əlavə edib.
Rusiya Xarici İşlər Nazirliyi həmçinin qeyd edib ki, Qərb ölkələri Şuranı "öz fürsətçi məqsədləri üçün inhisara alıb" və "Russofobiya və yalanlarla getdikcə daha çox batan Şurada normal işin bərpası perspektivləri bu şərtlər daxilində görünmür".
"Biz ölkəmizin bu təşkilatda mövcudluğunu davam etdirməsini məqsədəuyğun və əks-məhsuldar hesab edirik. Rusiya təşkilatı təxribatçı fəaliyyətlər və "Qərb narsizmi" üçün başqa platformaya çevirməkdə iştirak etməyəcək", - Rusiya XİN bildirib. (modern.az)
