Türkiyə Ukrayna ilə davam edən hərbi-texniki əməkdaşlığa baxmayaraq Rusiyanın S-400 sistemlərinin Kiyevə verilməsinə getməyəcək.
Turkustan.azxəbər verir ki, Rusiya Elmlər Akademiyasının Şərqşünaslıq İnstitutunun aparıcı elmi işçisi Boris Dolqov belə hesab edir:
"S-400 sistemlərinin Türkiyədən Ukrayna tərəfinə təhvil verilməsinə gəlincə, bunun olacağını düşünmürəm. Çünki bu, qatı anti-Rusiya fəaliyyəti olar. Türkiyənin buna gedəcəyi ehtimalı azdır.
Baxmayaraq ki, Türkiyənin Ukrayna ilə hərbi-texniki əməkdaşlığı davam edir və Türkiyədən Ukraynaya müxtəlif silah sistemləri ötürülüb. İndi də belə xəbərlər var. Amma S-400 ilə bağlı təkrar edirəm ki, Türkiyənin razılaşacağı ehtimalı yoxdur".
Bundan əvvəl "Reuters" xəbər vermişdi ki, ABŞ Türkiyəyə Rusiyadan aldığı S-400 hava hücumundan müdafiə sistemlərini Ukrayna qoşunlarına təhvil verməyi təklif edir.
Rusiya xarici işlər naziri Sergey Lavrov bildirmişdi ki, sovet S-300-lərinin başqa ölkələrdən Ukraynaya verilməsi qeyri-mümkündür, Moskva buna imkan verməyəcək.
Slovakiyanın müdafiə naziri Yaroslav Nad S-300 hava hücumundan müdafiə sistemlərini Ukraynaya təhvil verməyə hazır olduqlarını bildirib. /teleqraf.com/
