1736-1741-ci illər arasında Yaponiyanın Şikoku adasının yaxınlığında Sakit Okeanda tutulduğu və onun ətini dadana ölümsüzlük bəxş etdiyi deyilən mumiyalanmış su pərisi elm adamları tərəfindən onun əsl mahiyyətini ortaya çıxarmaq üçün tədqiq edilir. Ürkütücü insan üzü və quyruğu olan 300 yaşlı mumiyalanmış su pərisinin sirri hələ də açılmamış qalır.
31 sm boyu olan canlının hazırda Asakuçi şəhərindəki məbəddə saxlanıldığı iddia edilir.Su pərisinin iti dişləri, iki əli, başı və alnındakı tükləri, bədəninin aşağı yarısı balığı xatırladan qorxulu insan görünüşü var.
Kuraşiki Elm və İncəsənət Universitetinin tədqiqatçıları sirlərini açmaq üçün mumiyanı kompüter tomoqrafiyasına aparıblar.
Layihə ilə çıxış edən Okayama Folklor Cəmiyyətindən Hiroşi Kinoşita bildirib ki, qəribə varlıq dini məna daşıya bilər. Kinoşita, "Yapon su pərilərinin ölümsüzlük əfsanəsi var. Deyirlər ki, su pərisinin ətini yesəniz, heç vaxt ölməyəcəksiniz. Yaponiyanın bir çox yerində belə bir əfsanə var ki, bir qadın təsadüfən su pərisinin ətini yeyib. 800 il yaşadı".
Şayiələrə görə, keçmiş sahibi tərəfindən yazılmış 1903-cü il tarixli tarixi məktub mumiyanın yanında saxlanılıb və mumiyanın mənşəyi haqqında məlumat verir.
Məktubda belə davam edir: "Onu tutan balıqçılar onun su pərisi olduğunu bilmirdilər, lakin onu Osakaya aparıb balıq kimi satdılar. Atalarım onu alıb ailə xəzinəsi kimi saxladılar".
Alimlər məxluqun əsl su pərisi olmadığına dair fikirlərə malikdirlər. Mumiyanı tədqiq edən alimlər əldə etdikləri nəticələri bu ilin sonunda dərc edəcəklər.
Eltac Zülfüqaroğlu/Türküstan.az
